Türkiyədə xəstəxanaya silahlı hücum edilib.

Az.rasthaber.com xəbər verir ki, İstabul şəhərinin Bahçelievler rayonunda yerləşən xəstəxananın təcili yardım şöbəsi silahlı basqına məruz qalıb.

Hücumun bir nəfər və ya bir qrup şəxs tərəfindən baş verdiyi deyilir. Onların şəxsiyyəti hələ ki, müəyyənləşədirilməyib.

Nəticədə 5 nəfər xəsarət alıb - 1 polis, 1 jandarm, 1 özəl təhlükəsizlik əməkdaşı, həmçinin 2 mülki şəxs.

Yaralıların həyatları üçün təhlükənin olmadığı qeyd edilib.

Bundan başqa, xəstəxana binasına və təcili yardım maşınına maddi zərər dəyib.

Hücum edənlərin istifadə etdikləri avtomobil sonradan atılmış halda aşkarlanıb.

İnsidentlə bağlı araşdırma davam edir.