İordaniyanın daxili işlər naziri Mazen əl-Faraya Suriya ilə Cabir sərhəd qapısının təhlükəsizlik səbəbilə bağlandığını açıqlayıb.

Az.rasthaber.com xəbər verir ki, İordaniyanın daxili işlər naziri Mazen əl-Faraya adından nazirliyin verdiyi açıqlamada aşağıdakı ifadələr yer alıb:

“Daxili İşlər Naziri Mazen Əl-Faraya bu gün, cümə günü Suriyanın Nəsib sərhəd qapısı ilə üzbəüz Cabir sərhəd qapısının Suriyanın cənubundakı təhlükəsizlik şərtlərinə görə bağlandığını açıqlayıb.

Qərara əsasən, iordaniyalılara və iordaniyalı yük maşınlarına Krallığın ərazisinə qayıtmasına icazə verilərək, Suriya ərazisinə gedənlərin gediş-gəlişinin qarşısı alınacaq.

Daxili işlər naziri İordaniyanın Suriyada davam edən hadisələri izlədiyini və silahlı qüvvələrin sərhədləri qorumağa davam etdiyini bildirib.