İran İslam Respublikasının Livandakı səfiri bu ölkənin Ərəb Sosialist BƏƏS Partiyasının rəhbər və xalq nümayəndə heyəti ilə görüşündə bildirib ki, İran haqq cəbhəsini hər bir qiymətə müdafiə edəcək.
Az.rasthaber.com xəbər verir ki, Əli Hicazi bu görüşdə belə deyib: Bu gün İran İslam Respublikasının hörmətli səfiri ilə görüşməkdən qürur duyduq. Bütün Livan vilayətlərini təmsil edən partiya nümayəndələri ilə birlikdə səfirə, İranın sionist rejimin təcavüzlərinə qarşı qələbə qazanması münasibətilə təbrikimizi çatdırdıq və bu mübarizədə şəhid olan komandirlərin şəhadəti münasibətilə başsağlığı veririk.
O əlavə edib: Biz öz mövqeyimizdən çıxış edərək daim İran İslam Respublikasının yanında olmuşuq. İran, xüsusilə sionist rejimin ümmətimizə qarşı təcavüzlərinə qarşı mübarizədə haqq işimizi daim dəstəkləyib. Biz haqqı müdafiə edən hər kəsin yanında olacağıq və heç kəs İranın son illər ərzində göstərdiyi davamlı, sabit və səmimi dəstəyinə şübhə edə bilməz. İnşallah, bu dəstək gələcək mərhələlərdə də davam edəcək.
