Yəmən İnqilabının və Ənsarullah Hərəkatının lideri Seyid Əbdülməlik əl-Husi deyib: “Sionist rejim və Amerika Qəzzə zolağını öldürücü silahlarının sınaq meydanına çeviriblər.”
Az.rasthaber.com xəbər verir ki, Seyid Əbdülməlik əl-Husi Qəzzə zolağında ağır və acınacaqlı humanitar vəziyyətə, humanitar yardımın dayandırılmasına, sionist mühacirlərin İordan çayının qərb sahilində fələstinlilərə hücumlarına və onların müqəddəs yerlərə və Məscidül-Əqsaya hörmətsizlik etmələrinə toxunaraq deyib: “Trampın sionist məhbusların azad olunmayacağı təqdirdə Qəzzəni cəhənnəmə çevirməklə hədələməsi Amerikanın fələstinlilərə əhəmiyyət vermədiyini göstərir.”
Əl-Husi əlavə edib: “Sionist düşmən Qəzzə zolağının əhalisini aclıqdan öldürməkdən soyqırım aləti kimi istifadə edir.”
“Amerika sionizmin o biri üzüdür və Amerika ilə İsrail rejiminin cinayət əməlləri oxşardır” - deyə, o, bildirib.
Ənsarullah lideri qeyd edib ki, Fələstin xalqının iztirabları Amerikanı maraqlanmır.
Yəmən inqilabının rəhbəri deyib: “Latın Amerikası ölkələrinin Fələstini dəstəkləyən mövqeləri əksər Ərəb hökumətlərinin mövqelərindən qat-qat yüksəkdir.”
