İsrailli hərbi ekspert Amos Harel ABŞ prezidenti Donald Trampın sionist İsrailin baş naziri Binyamin Netanyahunun “oyunlarından bezdiyini” iddia edib.

Az.rastahber.com xəbər verir ki, Harel “Haaretz” qəzeti üçün yazdığı məqalədə, Trampın son həftələrdə “Humanitar yardımın Qəzzaya girməsi” ilə bağlı Təl-Əviv rəhbərliyinə təzyiq etdiyini ifadə edərək, bu vəziyyətin “Netanyahu rəhbərliyini məhbus mübadiləsi razılaşması ilə razılaşmağa məcbur etdiyini” iddia edib.

Trampın Qəzzadakı hadisələr və İranla aparılan danışıqlarla bağlı Netanyahunun siyasətlərindən narahat olduğunu müdafiə edən Harel, “Görünür, ABŞ prezidenti Donald Tramp baş nazir Benyamin Netanyahunun oyunlarından bezib” deyib.

ABŞ və İran arasında davam edən danışıqları xatırladan Harel, belə davam etdi:

“Tramp Netanyahuya Vaşinqton və Tehran arasında davam edən danışıqlar zamanı İranın nüvə obyektlərinə hava zərbələri endirməməsi ilə bağlı sərt xəbərdarlıq edib”.

Harel Trampın Netanyahuya Ukrayna prezidenti Vladimir Zelenskidən daha “ehtiyatla yanaşdığını” ifadə edərək, Netanyahu administrasiyası ilə artan gərginliyə baxmayaraq, Trampın ABŞ-İsrail münasibətlərinin həssaslığı səbəbindən açıq şəkildə əks siyasət nümayiş etdirə bilmədiyini deyib.

Harel sionist İsrailin Netanyahu hökumətinin uğursuzluqları üçün “günah keçisi” axtardığını qeyd edərək, Təl-Əvivin ictimaiyyətin diqqətini müxtəlif mövzulara yönəltməyə çalışdığını qeyd edib.