Hindistan Baş Qərargah rəisi Anil Çauhan ilk dəfə Pakistanın Hindistan təyyarəsini vurduğunu etiraf edib.

Az.rasthaber.com xəbər verir ki, Bloomberg TV-yə danışan Çauhan Pakistanın Hindistan təyyarəsini vurması ilə bağlı iddialara cavab verib.

Çauhan iddialarla bağlı deyib: "Məncə, önəmli olan təyyarənin vurulması deyil, niyə vurulduğudur".

Çauhan təyyarənin uçuşunda taktiki səhvlər olduğunu etiraf edərək deyib:

"Yaxşı tərəfi odur ki, etdiyimiz taktiki səhvi anlaya bildik, düzəldə bildik, iki gün sonra onu yenidən həyata keçirə bildik və bütün təyyarələrimizi yenidən uzaq mənzilli hədəfləri vurmaq üçün uçura bildik".

Pakistanın "6 Hindistan təyyarəsi vuruldu" iddiası ilə bağlı sualı cavablandıran Çauhan bildirib:

"Bu, tamamilə yalandır və vacib olduğu deyilən məlumat deyil. Əhəmiyyətli olan onların niyə vurulduqlarıdır. Bu, bizim üçün daha vacibdir və bundan sonra nə edəcəyimiz daha vacibdir".